Iran kan beih letna a hlawhtling vek : Netanyahu
Israel prime minister Benjamin Netanyahu chuan Iran an beih letna kawngah an thil tum a hlawhtling vek nia sawiin, Israel in Iran a chhanletna chu goal ropui a tih thu a sawi.
Netanyahu chuan chung lam leh hnuai lama Iran beitu an sipaite zawng zawng chungah lawmthu a sawi a, Iran an chhanletna kawngah an thiltum pakhatmah tlawlh awm lova an hlawhtling vek chu ropui leh chhuanawm a tih thu a sawi a ni.
Tarlan tawh thin angin Israel hian Hezbollah ho lakah beihpui a thlak mek laiin Iran hian missile hmangin a rawn kap thut a, hun rei fe chhang let lova Israel lam an awm hnuin kartawp atang khan Iran hi a bei ve ta a ni.
Iran lam hian engtinnge an chhanlet ve dawn a la hriat loh thu Iran supreme leader Ayatollah Ali Khamenei chuan a sawi a, kartawpa Israel in an beihna chu ngawihbopui chi a nih loh thu a sawi.
Iran kan beih letna a hlawhtling vek : Netanyahu
