Iran security chief thahsakah Israel inchhal, Tehran-in la sawi ve lo

Iran security chief thahsakah Israel inchhal, Tehran-in la sawi ve lo
Israel chuan Thawhlehni khan Iran security chief an that tih a sawi a, hei hi indona tan atanga an tum lian ber a ni a. Hetih lai hian Iranian thuneitu sang pakhat chuan supreme leader tharin ram dangten boruak tihdaih rawtna an thlen chu a hnawl thu a sawi.
Iran chuan Israel-in Ali Larijani-a an thah thu an puan chungchangah hian engmah an la sawi lo va. Larijanu-a hi Iran-a thiltithei ber zinga mi leh Supreme Leader thah tak, Ayatollah Ali Khamenei-a leh amah thlaktu a fapa, Mojtaba-a te mi rin nia ngaih a ni.
Kar hnih chuang indona a awm hnua Iran-in a do let zel thei a ni tih lan nan an ram hotu lawk pakhat, a hming tar lan duh loh chuan Khamenei naupang zawk hian foreign ministry-a ‘US nena buaina tihziaawm emaw, inkahhai emaw’ rawtna thlen chu a hnawl thu a sawi.
Mojtaba Khamenei-a hian supreme leader atana ruat a nih hnua ram dang nena inkungkaihna lam sawia thutkhawm a koh hmasak berah ‘US leh Israel-te chu an hmaa an thingthita an tlawm an pawm a, zangnadawmna an pek hma loh chuan remna hun dik tak a nih loh thu’ a sawi niin a sawi.
Kar hmasaaa pa thlak tura a hming puan a nih hnua a thlalak pawh la tihchhuah loh, Khamenei naupang zawk hi thutkhawmah hian a tel ve em tih hriat a ni lo.
US-Israel indona hi a kar thumna a ni tawh a, mi 2,000 vel an thi tawh a, tawp mai tur angin a la lang lo.
Strait of Hormuz tam zawk khar a la ni a, US tanrualpui ramte chuan President Donald ⁠Trump-a’n tuipui kawng pawimawh hawn lehna tura pui tura a ngenna chu an hnawl a, he kawngah hian khawvela tuialhthei leh liquefied natural gas phurh 20% vel a kal a ni.
Trump-a hian a tanrualpui ramte chu strait hawn leha khawvel eibar a nghawng tihnep nan sipai tanpuina pe turin a ngen a. NATO tangrual ram tam zawk chuan buainaah hian inrawlh an duh loh thu an hrilh niin Thawhlehni khan a sawi a, ‘tihsual atthlak tak’ tiin an thil sawi chu a sawi bawk.
“Sipai Hlawhtlinna kan neih avangin NATO ramte tanpuina kan ‘mamawh tawh lo,’ kan duh tawh lo — KAN TI VE LO!” tiin Trump-a hian Truth Social-ah a tar lang a. Japan, Australia leh South Korea te pawh a tar lang tel.
European Union foreign policy chief Kaja Kallas- chuan Thawhlehni khan Reuters-in a kawmnaah strait vennaa hian tumahin an mite nunna hlauhawma dah an huam lo tih a sawi.
Kallas-i chuan, “Kawng hi inhawng reng turin palaia indawna hmanga kawng kan zawn a ngai a, ei leh in lama harsatna, fertilizer harsatna, energy-a harsatna pawh kan nei lo ang,” a ti.
Thawhlehni khan Iran-in United Arab Emirates-a tuialhthei hmunhma a beih leh avangin a man chu 2% velin a sang a, indona tan atang khan 45% velin a sang a, hei hian khawvel puma thil man a tihsan rin a ni.
Larijani-a thah sawi hi finfiah a nih chuan indona ni hmasa bera supreme leader thah hnuah a chhungte dang emaw, an hotu lawk dang emaw Israel leh US-in an thah leh hmasak ber ang.
Israel Defence Minister Israel Katz-a chuan Israel sipaiten Larijani an that tih a sawi a, ani bakah tual chhunga venhimnaa chanvo lian tak nei, mahni inpe sipai, Basij kaihruaitu, Gholamreza Soleimani-a pawh an that tih a sawi bawk.