Iron i tlachham em?

Iron i tlachham em?
Center for Disease Control and Prevention-in an tarlan danin hmeichhia 9% te hian iron an tlachham. Iron tlakchham hian natna hrang hrang a thlen thei a, chuvangin iron ka tlachham em tih mahni inhriat a pawimawh hle a ni. Tun tumah hian dietician leh nutritionist Dr. Ashwini J-in iron tlachham awm dan ni a a sawi te kan rawn tarlang e.
1. Kan taksain iron chu haemoglobin siam nan a hmang a, haemoglobin chu thisen siamtu ber a ni a, taksa peng hrang hranga oxygen keng kualtu a ni. Chuvangin iron kan tlakchham chuan, haemoglobin a lo insiam tlem a, chuvangin taksa peng hrang hrangin an mamawh ang oxygen an dawn loh phah thin. Chu chuan mi a tichauin, kan lo zawi phah thin a ni.
2. Iron tlachham te chuan rilru sawrbing a, thil ngaihtuah te an harsat thin a, an thil ngainat thin te pawh an ngaihsak ta lo riau thin a, an chhungte emaw, thiante emaw, lehkha chhiar emaw, music emaw, an thil tuipui thin dang te pawh an tuipui ta lo riau thin.
3. Iron kan tlakchham chuan taksain oxygen a tlachham a, chu chuan thawhah leh thawchham anga inhriatna te min neih tir thei. Hei hi kan hnathawh lai emaw, kea kan kal lai emaw, lehkha kan chhiar lai te pawhin a rawn awm thei.
4. I vun kha a dâng ta riauin i hria em? Hei hi iron tlakchham vang a ni thei a, thisen luang a chak tawk loh vang leh RBC count tlakhniam vang a ni thei.
5. In chhung sekrek khawih leh han chet vel kha i peih ta lo riau em? I han chet vel pawhin i chau hmain i ti tha peih tlat lo em? Step kal te i harsat riau em? Hei hi iron tlakchham vang a ni thei a, iron tlakchhamna hian taksain tawrhchhelna a tihniam thei tlat.
6. I tihrawl a kham na them thum em? Gym-ah i kal emaw, exercise i la emaw a nih pawhin i taksa a sil hman riau. Iron tlakchham hian tihrawl an in-recover har leh duh bik a, hei vang hian tihrawl kham na an nei duh.
7. I kuttin a tliak awlsamin a ther te a awm a, tin-ah thil var deuh te a rawn awm bawk thin, hetiang brittle nails hi iron tlakchham vang a ni duh hle.