Israel in Syria lawng chawlh hmun bei

Israel in Syria lawng chawlh hmun bei
Israel chuan Syria lawng chawlh hmun pakhat chu an bei ngei tih sawiin, khawvel news lian BBC pawhin hei hi pawmpuiin, an beihna hmun leh thil chhiat dan engkim a nemnghet ve bawk.
UK-a inbun Syrian Observatory for Human Rights (SOHR) chuan pathiannia Assad-a sorkar paihthlak a nih hnuah Israel Defence Forces (IDF) te chuan beihpui thlak zelin, pathianni atanga chhiar pawhin tum 310 chuang chu an bei tawh tih an tarlang a, a document engkim neiin an insawi bawk.
Israel indo thlawhnate chuan Syria ram pumpui chu thlawhtheihna hmangin tum engemawzah an bei tawh nia sawi a ni a, khawpui lian Damascus pawh an bei nasa hle tawh nia sawi a ni.
Syria lawng chawlh hmun beih a nih thu sawi a nih hnu lawk hian Israel defence minister Israel Katz chuan IDF te chuan Israel tichhe thei tura plan siamna hmun apiang chu beih let an nih nghal zel tur thu a sawi.
Katz chuan Syria lawng rual tihchhiat tuma beihpui thlakna chu a hlawhtling hle nia sawiin, Israel chuan amah dotute chu na taka a chhan let zel dawn thu a sawi bawk a ni.
Syria-ah hian hel pawlten an lal ram zauh thar zelin, hmun tam tak an la tawh nia sawi a ni a, an ram hruaitu lu Assad chuan a sahimna zawngin Moscow a pan hnuah Israel-te chuan hel pawlte laka beihpui thlak kawngah hmasawnna a hmu awlsam zual nia sawi a ni bawk a ni.