Israel leh Hamas leader-te dinhmun khirh

Israel leh Hamas leader te tan chuan Gaza indona tihtawp chu ‘game of survival’ a ni hawt a.
Indona tihtawp a nih theih nana inremna an siam dan azirin an politics hma lam hun leh thuneihna an chan zui leh zui loh a tul dawn tlat a. Hamas leader Yahya Sinwar tan phei chuan a physicial survival a ni tel bawk ang.
Tun hma atang tawhin hotu lawk te political future nghawng a nih tlat thin avangin inremna hlawhtling tak neihin a awm theih ngai loh phah a.
US President Joe Biden inrawlha inkahhai a awm theih nana ruahmanna a siam chu a hlawhtling dawn nge dawn lo a chiang mai thei rih lo. Biden ngei pawhin inbiakna awm theih nan lung in tang chhuah leh chutih kara inbiakna neiha inremna awm hlen theih nana hmalakna chu thil awlsam a ni dawn lo a ti bawk.
Tuna Biden hmalaknaa ruahmanna siam hlawhtlin leh tlin loh chuan thil tam tak a hril dawn bawk. Israel Prime Minister Benjamin Netanyahu chuan a ram chhung thil hisap chuan a tahtawla kalpui a duh ngei dawn a.
Biden-an rawtna a siam thawhkhatnaah chuan lung in tang a then chhuah phawt an ni ang, chutah chuan a la dam leh thi tawh te pawh an tel ang. Chu chu Israel in a duh em em chu niin engti kawng pawhin a mi leh sa tang te chu zalen se a duh a, Israel ram chhungah pawh Hamas tena an hren te tun thlenga an la chhanchhuak thei lo chu dem hlawhna nasa tak an tawrh phahna a ni bawk.
Mahse Hamas te chuan an tana pawimawh ber chu Israeli mitang hmeichhia, hliam tuar leh kum upa a kawl mek te chu niin Israel-in mitang te chhuah zalen an nih hnuah indona a chhunzawm leh nghal dawn lo tih a intiam hma chuan chhuah mai an tum hauh lo thung.
Kar kalta khan Israeli media te chuan Benjamin Netanyahu chuan Israel chuan duhthlanna a neih te ah inhawng zau se a duh tiin a sawi niin an sawi a.
Hamas te nuai chimih vek chu Netanyahu sorkar a tel far-right coalition partner tena an ngiat tlat a ni. Chuvang tak chuan Netanyahu chuan far-right te thlawpna a mamawh bawk si avangin hostage deal ah fimkhur leh fing taka chetlakna a neih a ngai a. Chutihlaiin Hamas leader te chuan permanent ceasefire an ngiat bura chu chu intiamkamna thlap nen an phut bawk.
Far-right coalition partner tena an ngiat ang em ema Hamas te nuai chimih buai kher loh inkar velah inremna a awm thei ang em tih chu Netanyahu tana thil pawimawh a ni a, mahse, chutih rual chuan Hamas leader te chuan Israel rawtna te chu an pawm ve leh tho a ngai bawk.
Israel-in indona kal meka a tum ber chu Hamas te chu Israel-te tana hlauhawm ni thei ngai tawh lova chhutchimih vek a ni a. Hamas te chuan an military infrastructure te an hloh nasa tawh reng bawk a.
Mahse tun thlengin Israel chuan Hamas top leader Yahya Sinwar leh mohammed Deif te chu a that emaw man thei chuang lo va, Gaza atangin Israeli sipai te la chhuak ngawt bawk se Israel prime minister tan chuan politics thilah chhiatna a ni ngawt dawn si a ni.
Thawhtanni khan US state department thupuangtu chuan Hamas te theihna chu nasa taka chhutchhiat a ni tawh chungin hlauhawm tak an la nih thu sawiin nuaichimih biai theiha a ngai lo tiin a sawi bawk.
Hetih lai hian White House chuan Israel chuan Biden rawtna te chu an duh ang diak diak ni lo mahse hreh tak chungin a pawm dawn tia sawiin tunah chuan Hamas te thlutlukna a ni tawh a ti bawk.
Israel military spokesman Rear Admiral Daniel Hagari pawhin Israel sipai te chuan inkahhai awm pawh ni se Israel security chu an humhim dawn tiin a sawi a.
Mahse Yanir Cozin, Israel military radio station GLZ diplomatic correspondent chuan netanyahu chuan hlawhtling nia a inngaih hma chuan indona chu a titawp lovang a ti thung a.
“Hamas te hima chhuah inremna chu hlawhchhamna a ni” tia sawiin, “Thla riat a chuang tawh a, indonaa thil tum ber Hamas te nuaichimih leh mitang te hruai haw a ramri him taka siam chu a hlawhtling lo a nih chuan indona tihtawp a duh dawn hauh lo. Chutih rual chuan kum 2026 Israeli election hma ngeia chinfel a duh dawn” tiin a sawi bawk a.
“Yahya Sinwar leh moahmmed Deif te Gaza atangin kan nawrchhuak tawh a, Gaza hnaiha chengte leh hmar lam ramria chengte an chenna hmunah an let leh thei tawh tia a sawi theih a nih chuan a sorkar zui zel ang. mahse, chumi tur chuan ta se tih tam tak a awm a ni” tiin a sawi.
Hamas te chuan an hotu lawkte chu engti kawng pawhin humhim an tum ngei dawn a. Chutih rual chuan Gaza ah pawh Hamas hruaitu lawk te ah ngaihdan inang lo a awm tawh tia sawi a ni bawk.
Israeli prime minister hlui Ehud Barak, defence minister pawh ni tawh chuan President Biden rawtna chu Sinwar an rawtna a pawm dawn lo tih a chian em avangin Netanyahu an rawtna a pawm tiin a sawi a.
“Engti kawng mahin Sinwar hian mitang te chhuah zalen vek an nih hunah kan tihlum dawn tho che tih chu a pawm dawn lo” tiin a sawi.
Israeli sang tam tak te 7 October a Hamas tena an suasam avanga an chenna in chhuahsan te chuan prime minister Netanyahu chetlak dan tur chu an thlir reng a.
Chung zinga kum 31 a upa Yarin Sultan chuan Yahya Sinwar leh Mohammed Deif te an zalen chhung chuan an chenna Gaza border ah a let tawh dawn lo a ti.