BTS member J-Hope chu sipaiah inziak lut rih mah se ARMY ten an lo ngaihthlak tur leh an titi pui theih tur a rawn chhawp chhuak leh ta tho mai, BIGHIT Music chuan J-Hope dolo debut album ‘Jack in the Box’ chu a physicel version August ni 18-ah an tlangzarh dawn tih an puang.
‘Jack in the Box (HOPE Edition)’-ah hian a original album-a hla te a awm leh vek dawn a, hei bakah hian 2022-a American music festival ngaiihlut hlawh tak Lollapalooza-a a performance live recording pathum (J-Hope hi he music festival-a South Korean artist headline thei hmasa ber a ni nghe nghe) leh instrumental track pahnih an dah tel a, he physical album-ah hian concept photo thar leh thil eng emaw ‘special’ tak a awm dawn niin an tarlang bawk.
April thla khan J-Hope hi a bandmate ten a sipai lut tur an vai liam a, Suga, RM, Jung Kook, Jimin leh Ve ten an thlah thlap a ni. South Korea-ah hian sorkar-in eng emaw bik avanga a âwl te an nih loh chuan mipa pangngai te chu kum 35 an tlin hmain thla 18 tal sipaiah an tan ngei ngei a, tunah hian BTS member pahnih chu sipaiah an tang mek a, midang zawng pawh sipai-ah la lut ve leh vek tur an ni.
J-Hope album ‘Jack in the Box’ physical edition tlangzarh dawn
