BTS member J-Hope chu sipaiah tang rih mah se rimawi khawvelah a thawm a reh chuang lo, ARMY tan thil thar a rawn chhawp chhuak leh ta a, a solo deubut album ‘Jack in the Box’ chu a physical version nimin khan BIGHIT Music-in an tichhuak a ‘Jack in the Box (HOPE Edition)’ an ti.
He album-ah hian a original album-a hla te a dah leh vek a, hei bakah hian 2022-a Chicago-a Lollapalooza-a a performance live recording pathum a dah tel a, instrumental track pahnih a dah tel bawk. He physical album-ah hian concept photo thar leh ‘thil tê tê’ (special components) a awm dawn bawk a ni.
J-Hope hian nikum August thla khan record siamin Lollapalooza-ah a perform a, South Korean artist zinga he American music festival main stage headline thei hmasa ber a ni.
Tunah chuan South Korean sipai-ah thla 18 chhung tang turin a inziak lut tawh a, chutihlaiin ARMY ten J-Hope content thenkhat lo inhnemhnanna tur an nei leh ta a, a solo documentary, j-hope IN THE BOX chu theater-ah khawvel hmun hrang hrangah an tichhuak a, hei hi an group kum 10 tlin champha lawmna peng pakhat a ni. A film hi a album a buaipui lai leh buatsaih dan vel te tarlan a a nih bakah 2022 Lollapalooza performance leh Jack In The Box listening party te pawh dah tel a ni.
J-Hope ‘Jack in the Box (HOPE Edition)’
