Home minister K Sapdanga’n House a hrilh danin, 2022, 2023 leh kuminah jail tang tlanchhuak mi 56 an awm tawh.
Aizawl West III bialtu VL Zaithanzama zawhna, ziaka chhan chi chhangin home minister chuan 2022-ah jail a\anga tlanchhuak hi mi 17 an awm thu, 2023-ah mi 29 an awm thu, 2024-ah mi 10 an awm tawh thute a sawi.
2024-a tlanchhuakah hian a hnuhnung ber chu July ni 6-a mi an ni a, District Jail, Serchhip a\angin mi pahnih an tlanchhuak a ni.
Home minister-in House a hrilh danin, mi 33 chu an tanna jail a\anga tlanchhuak an ni a, pasarih chu court a\anga tlanchhuak, pariat chu damdawi in a\anga tlanchhuak niin, mi dang pasarih chu police motor a\anga tlanchhuak an ni a, prison ambulance a\anga tlanchhuak pakhat a awm bawk.
2022-a tlanchhuakah hian mi pasarihte chu man leh an ni a, 2023-a tlanchhuakah mi 17-te man leh niin, kumina tlanchhuakah man leh pakhat a awm.
August ni 13 khan Mizoramah jail tang mek mi 1807 an awm tih home minister chuan House a hrilh.
Jail tang tlanchhuak mi 50 chuang awm tawh
