An inthen atanga kum a vei hnuah Hollywood star Jessica Alba, kum 44, leh producer Cash Warren, kum 47, te inthenna chu court-in a tifel ta a, kum 16 chhung innei an ni bawk a, sum leh ro thil insem dan turah an inchai buai ve hman viau a, tunah chuan an tifel thei ta a ni.
Fantastic Four changtunu Jessica Alba leh producer Cash Warren te hi May ni 19, 2008 a innei kha an ni a, an inthen hunah hian December ni 27, 2024 tiin document-ah an tarlang a, nupa an nih chhunga an sum dechhuah leh hetih chhunga an bungraw neih thar hrang hrang te zat leh zat a insem an remti a, company hrang hrang an investment, WeWork leh Culver Studios stock leh furniture leh an in lei dun a art chi hrang hrang te pawh zat leh zatin an insem dawn a ni.
Jessica leh Cash te hian fa pathum- Honor, kum 17, Haven, kum 14, Hayes, kum 8, te an nei hman a, an fate enkawlnaah pawh thuneihna inang an nei ang a, an fate mamawh pawh an intum sem zel dawn a ni.
Jessica Alba leh Cash Warren inthenna tifel
