Jin hla thar “I’ll Be There”
BTS member Jin chuan a hla thar “I’ll Be There” chu Zirtawpni zan khan a tichhuak ta a, a hla thar hian fan-te chakna a pek bakah an lunglen khawharna te hnemtu a nih a beisei thu sawiin, “He hla hian hlim hmel a put tir ngei ang che u,” a ti. He hla hi a album thar tur ‘Happy’ atanga a lead single a ni.
Jin chuan Dolby Atmos interview-ah a hla thar hian a fan-te chu hlimna a thlen a beisei thu sawiin, “ARMY te an chauh leh khawhar changin, he hla hian chakna a pek ngei ka beisei,” a ti a, “Kan fan-te ka rilru put hmang ka share duhah ka chiang a. Kan fan-te, kan ARMY te chu hlim turin ka duh a ni,” a ti bawk.
Jin hian “I’ll Be There” standard music video pawh a tichhuak nghal a, he hla awmna album ‘Happy’ hi November ni 15-ah a tlangzarh dawn a, a solo album hmasa ber tur niin, album-ah hian hla paruk a awm ang.
Jin chuan “I’ll Be There” hla chu, “A thunawn mi zawng zawng sakpui theih tur chi a ni,” a ti a, “He hla hian hmel hlim a put tir dawn che u a. Chu awmdan chu fan-te hnena tihdarh ka duh a ni a, a chhan chu chakna tam tak min petu, min tinuia, min tihlimtu an ni,” a ti bawk.
BTS member dang Jung Kook, Jimin, V, SUGA, RM leh J-Hope te chuan solo album an lo tichhuak vek tawh a, Jin hi band member zinga solo album tlangzarh har ber a ni.
Jin hla thar “I’ll Be There”
