Joshua Regrello-a’n darkar 31 steelpan tumin record siam
Trinidad & Tobago a cheng, musician, Joshua Regrello, kum 28, chuan steelpan (steel drum an tih bawk) chu darkar 31 vaw char charin Guinness World Records, steelpan vaw rei ber record a siam
Joshua hian a naupan lai atangin steelpan vuak hi a tuipui tawh a, “Kum nga mi chauh ka nih lai atangin steelpan hi ka tum thiam tan tawh. Ka pa hi Trinbahonian steelpan (music group) founder a ni a, chuvangin music hi ka thanlen pui a ni deuh ber. Zanrei tak tak thlengin rehearsal neiin an ri tlut tlut thin a, ngaihnawm ti takin ka lo ngaithla thin. Steelpan hi ka ngainat chawp pawh a ni lo, ka pianpui a nih deuh ber a, kei ka thlan pawh ni lovin min thlang a ni zawk mah awm e,” a ti.
Joshua hi tunah chuan full-time musician a ni tawh a, online creator a ni bawk a, drakar 31 chhung chawl lovin steelpan/steel drum tumin Guinness World Record a siam ta a ni. A tirah chuan darkar 30 a tinzawn a, mahse, a stage manager, Gabrielle Le Gendre-Chandler chuan a stage timer chu darkar 31 turin a lo set avangin, a tum lawk aia darkar khatin a rei ta a ni.
Joshua Regrello-a’n darkar 31 steelpan tumin record siam
