Mizoram Legislative Assembly budget session-a Governor Speech lawmthu sawina motion sawi ho ni, February ni 17, 2026 khan opposition member Dr.R.Lalthangliana chuan news reporter pakhat nupui, sawrkar hnathawk, chunga sawrkarin action a lak chungchang a sawi chhuak a.
A sawi dan chu hetiang hi a ni: “News reporter kan han tih thleng thleng, house pawn ami, an nupuite thlenga action kan han la hi chu a fel lo ka ti khawp mai a, he thil hi kan house-ah hian thleng tawh lo se ka duh khawp mai a, heng hi pawi ka ti tih hi ka sawi duh a ni. Thil tha lo tak hi repeat nawn tawh lo ila tih hi vawiin hian he house-ah hian ka sawi lang duh a ni,” tiin.
Sawi hona hnukhartu House Leader Pu Lalduhoma chuan Dr. Thangtea thusawi hi tawi têin a chhang a, hetiangin: “Journalist chungchang kan sawi a, invuipui te hi kan sam deuh hlek thin a. Eng pawh ni se, journalist-te pension petu hi he sawrkar hi a ni tih kha ka’n sawi lang ve duh hrim hrim a ni,” tiin.
Heta tanga lo lang chiang em em ta chu —Journalist pakhat news report danah sawrkar a lungawi lo a, a lungawi lohna lantir nan journalist nupui sawrkar hnathawk chungah action lak a ni, tih hi.
“….journalist-te pension petu hi he sawrkar hi a ni…” tih hian awmzia thui tak a nei thei a; “Journalist-te pension petu sawrkar chuan journalist-te nupui chungah thleng pawhin action a la ang chu..” tihnaah pawh a ngaih theih hial awm e.
He thil lo inmun tan dan chu, December ni 22, 2025-a Mizoram Legislative Assembly Committee on Petitions Report thehluh chungchanga DD news tihchhuahah, PM-USHA hnuaia “sum kal fel lo” tia news lead ziah vang niin a lang a. Hei hi he news reporter kutchhuak dik tak a ni lova, news report lo dawngtu lamin ‘sum kal fel lo’ tih hi an lo zep niin a lang. Hemi chungchang hi a kaihhnawih sawrkar thuneitu sang zawkte hnenah DDK Aizawl hotute pawhin an sawifiah a, thuphachawina pawh an tichhuak zui bawk a nih kha.
News reporter hi a thudawnna ‘source’ sawi turin telephone hmangin tute emawin an bia a, source a sawi loh chuan a nupui transfer order pawh an kuta an hum reng tawh thu te pawh an sawi a ni awm e.
News reporter hian news dik lo a lo report palh a nih pawhin, a tul angin a chungah sawrkar lam chuan action a la mai tur a ni a. Chuti ni lova, a bul hnaia “Kha-um zamna Rawpui fik hmawk” mai hi chu, ‘thleng nawn tawh lo se’ tih mai ni lo; ‘journalist nupui chunga thil thleng hi hnuh let leh ni rawh se’ tia tlip chi zawk niawm tak a ni.
Journalist nupui chunga action lak hi…
