Mizoram sawrkarin Mizoram Journalist Association (MJA) member thite ralna a pek thin, ex-gratia chu Nilaini khan MJA member pathum chhungte hnenah I&PR minister Lalruatkima’n a hlan.
Accredited journalist pahnih, 2022 December 2-a thi Alfred Vanchhawng, DDK Aizawl stringer leh MJA Gen. Hqrs. executive member, 2022 December 27-a thi V Zoramthara, LPS Vision news reporter chhungte hnenah ex-gratia Rs. 150000 hlan niin, MJA member dang kumin May 23-a thi E. Lalhleia, Aizawl Observer editor chhungte hnenah ex-gratia Rs. 100000 hlan a ni bawk.
Minister chuan chanchinbumi sun takte a ui takzet tih sawiin, an kalsan an chhungte a tawrhpui thu a sawi a. Mimal taka a hriatchian leh sulhnu pawimawh tam tak hnutchhiahtu an ni, tiin, an sulhnu chhinchhiah tlak tak takte chu hriatreng a ni dawn tih a sawi.
Mipui leh sawrkar inkara palai hna thawktu I&PR department leh MJA chu inghneng tlat an nih thu sawiin, social media kaltlanga thu belhchian dawl lo vawrhdarh thinte ven leh thudik puanchhuah kawnga hma lak ho zel a pawimawh tih a sawi a. Mipuite kawng dik kawhhmuha zirtirna dik pek kawnga hma lak chu an mawhphurhna a ni tih a sawi.
Journalist thite ex gratia hlan
