una chief minister chu a awmna azira a thusawi dan danglam thin a ni tih Congress president Lal Thanzara chuan a sawi.
Zirtawpnia Congress Bhavan-a inkhawmah Lal Thanzara chuan, sawrkar kal tawh Congress emaw MNF emaw ten economic programme enge an kalpui tawh tih chu mipuiin kan zirchiang peih lo nia a hria thu sawiin, “NLUP programe kha sum semna mai mai a ni, tite in min sawichhiat sak a. Kan sawrkar lai khan rangva inchung nei ngai reng reng lo ten rangva kan sem vangin rangva inchung an neih phah a, NLUP vangin tam takin huan puitling takin an neih phah. Tuna kan CM hi NLUP min sawimawi puitu tha tak ani tih pawh Vanapa Hall-ah a sawi kan hriat kha. Ani hi a awmna azirin a thusawi a danglam thin vang maia tuna a sawi dan thlak leh ta a ni,” a ti.
Sawkar kan hrawn mekin working season an tih, kumtir lamah kawng siamthat ngaihtuah loin hma lak nachang an hre loa, sawrkarin kawngpui a khar hial ngai khawpin kawngpui a chhia tih MPCC president hian a sawi. “Mizote hi thil a nihna tak ngaihtuah loa insawichhiat kan ching a, kawng chhiat chungchangah chuan party pathum hian inelsen dan tawk kan thiam tawh ang chu maw,” a ti.
Congress sawrkar lai, kum 2018 inthlan dawn hnaihah Mizoramin furpui a tawng a, chutiang karah chuan kawngpui siam a har hle tih sawiin, Sairang leh Buichali inkarah lung nuai tamtak man bungraw phur lirtheiin a rap pil a. Khatih lai khan MNF-in min bei nasa em em a, kawngpuiah buh an phun a, an elsen nasa hle tih a sawi.
Tunhnaiah MNF treasurer Pu Ruatkima’n MPCC hruaitute term pawhsei chungchang a sawi tih Congress hruaitu hian sawichhawngin, “Kan party chhung boruak a tha lo hle niin a sawi a. Kha thil kha MPCC Executive thukhawmin a rel a ni a, khami ni khan Pu Ruatkima hi awm ve se, kan party boruak that zia hi hmu ve se khatiang thil kha a sawi duh ka ring lo,” a ti.
Kan CM hi a awmna azira thusawi tidanglam thin a ni – Lal Thanzara
