French fries leh fried chicken tih vel hi i ngaina viau a nih chuan, hei hi hre tel mai mai teh, mipa serh cancer (prostate cancer) risk a tisang niin mithiam ten an sawi tlat.
Tel sa tak hmanga thil kan ro (ddep fry), entir nan, alu kan ro, sa fry (roast), doughnuts, tih ang chi hote hian mipa serh cancer risk a tisang niin Fred Hutchinson Cancer Research Center-a mithiam ten an sawi.
Zirchianna neitute zinga mi Janet L. Stanford chuan, hetianga tel sa taka thil kan ro, kar khata vawi khat tal ei ziah te chuan a ei ve ngai lo te aiin mipa serh cancer neih theihna risk an nei sang zawk niin a sawi.
Stanford chuan, “Tel chu deep fry-na tur khawpa saa kan chhuan chuan a hmaa awm lo cancer siam thei (carcinogenic compound) a lo insiam ta thin a ni,” a ti.
He zirchianna atan hian mipa 1,549, serh cancer nei leh, mipa 1,492, serh cancer nei lo te an hmang a, chuta tanga an hmuh dan chuan kar khata hetiang thil kan ro vawi khat tal ei ziah te chuan, thla khata vawikhat chauh emaw a aia tlem emaw ei te aiin 30-37%-in prostate cancer risk an nei sang tih an hmuchhuak niin an sawi. He zirchianna chungchang hi journal The Prostate-ah tarlan a ni.
Kan-in prostate cancer risk tisang
