Uttar Pradesh a khawpui pakhat Kanpur-ah mattress siamna factory kangin, bungraw tam tak a kang chhia a, a kang chhan chhui mek a ni.
Kanpur SP Murthy sawi danin, kangmei chhuah chhan tak hi hriat a ni lo a, mahse tih thleng palh a nih loh hmel tiin, thu zawhfiah turin a thawktute zinga pali chu koh niin, pahnih la hren mek a ni, a ti.
Kangmei hi inrinni zing lam dar 6 vela chhuak tan nia sawi a ni a, gas leak vang a nih rin a ni. Mahse, gas leak hi thil thleng palh ni lovin, tih luih ngei nia sawi a ni thung a. Hei vang hian a thawktute zinga thenkhat chu rinhlelh vanga thuzawhfiah nghal an nih thu thuneitute chuan an sawi bawk.
Kangmei vang hian nunna chan awm lo mah se, hliam na tak tak an awm thung a. Heng zinga pasarihte chu na zualin, pathianni khan damdawiinah dah luh nghal an ni bawk.
Kanpur-ah mattress siamna factory kang
