Karachi-ah chinese pahnih silai hmanga beih an ni
Pakistan a sumdawnna hmunpui Karachi-ah thawhlehni khan China mi pahnih chu kah an ni a, Beijing chuan an mite venhimna pe khauh lehzual turin na takin Pakistan a nawr zui.
Senior superintendent of police Faizan Ali chuan China mi beih tawk an awm thu hi sawiin, a chhan leh a titute erawh zawn mek an nih thu a sawi.
An ram lawng chawlhna khawpui, khawchhak lama mi Liaquat national hospital chuan heng mi pahnihte hi an enkawl mek thu a sawi a, dinhmun tha lo taka awm pakhat a awm niin a sawi bawk.
He pawikhawihna thlentute hi tutenge tih a la hriat loh a, helho beihna a ni em tih sorkar chuan a ngaihven mek thu sawiin, Beijing chuan Pakistan sorkar chu a mite himna ngaihtuah zual turin na takin a nawr zui a ni.
October thla pawh khan Karachi international airport bulah bomb lo puak tawhin, chinese engineer pahnihin an lo thih phah tawh a. Firfiak pawl Baloch Liberation Army (BLA) chuan hei hi an tih niin an lo sawi tawh a ni.
Karachi-ah chinese pahnih silai hmanga beih an ni
