Kate Middleton cancer-in a kiansan ta
Britain lal chhungkaw mo, Prince William-a nupui, Princess Kate Middleton chuan nikum January ni 14 khan a cancer thu a puang a, kum khat hnuah chuan Kate-i hian a dam thu a puang leh thei ta a ni.
Prince George, kum 11, Princess Charlotte, kum 9 leh Prince Louis, kum 6, te nu, Princess of Wales chuan a taksa cancer sign leh symptom a awm tawh lo tih a puang a, “A thawven thlak huai e, dam lam ka pan zel a ni,” a ti a, “Cancer tawh te chuan he natna avanga nunphung inthlak danglam tura hun a duh dan te kan hrethiam ang a,” a ti bawk.
Kate-i chuan hmalam hun a thlir thu sawiin, “Hmalam hun thlir tur tam tak a awm a. Min support-na zawng zawng avangin ka lawm e,” a ti.
Hetiang thu a puan hma lawk hian cancer avanga a inenkawl thinna damdawi in The Royal Marsden pawh a tlawh a, Kate chuan, “The Royal Marsden ten duat taka min enkawl thinna zawng zawngah lawmthu ka sawi a. Wliiam nena kan hun tawnah hian kawng engkima min tawiawm rengtu te hnenah thinlung takin lawmthu ka sawi bawk a ni,” a ti.
January ni 14 khan Kate leh a pasal William te i Royal Marsden-ah patron an ni thar ve ve bawk a ni.
Kate Middleton cancer-in a kiansan ta
