Tesla Cybertruck hi an tlangzarh hma atanga khawvelin a ngaihven, a tlangzarh hun tur an sawn hlat deuh sek kha a ni a, nikum December khan an hralh chhuak tan ta a, a tirah chuan 10 chiah an hralh chhuak a, mahse, tunah chuan production pawh a kal chak ve ta deuh a, Katy Perry pawh milar zinga he electric pick-up nei hmasa pawl a ni ve ta. Tesla Cybertruck hi US-ah a model a zirin dollar 61,000 (Rs 50,86,000 vel) atanga dollar 1,00,000 (Rs 83,38,000 vel) man te an ni.
Tesla Cybertruck hi a design a danglam hle a, a futuristic look zaih mai a, a bonnet line leh windscreen leh a chung pawng zum deuh te chuan mit a la riau a, sci-fi movie vela an lirthei hman niawm tak hi a ni. A model hniam ber chu rear-wheel drive niin, a model laihawl chu all-wheel drive niin, dual-motor setup a nei a, a model laihawl hi second 4.1 chhungin 0-100 kmph a chakin a tlan hman a, a top speed chu 180 kmph a ni. A model sang lehzual chuan, Cyberbeast an tih mai cuan tri-motor a nei ve thung a, a hnunglam ke tinah a hranin motor a nei a, 833 bhp leh 14,000 Nm torque dawn pechhuak thei a ni a, second 2.6 chhungin 0-100 kmph a chakin a tlan hman a, a top speed chu 209 kmph a ni ve thung.
Tesla chuan an Cybertruck battery hian km 547 tlan a daih niin an chhal a, Cyberbeast hi chuan km 515 a thui a daih ve thung. He electric pickup hi a towing capacity chu kg 5,000 a ni. 35-inch tyre neiin, steer-by-wire, four-wheel steering, power-opening frunk, 18.5-inch touchscreen infotainment display leh 9.4-inch passenger display a nei bawk.
Katy-i’n Tesla Cybertruck a lei
