Kawlphetha tel lovin engmah a tih theih loh a ni ber a, mi tinin, chhung tinin, ram tinin kawlphetha hi an mamawh. Mizoram pawhin thil hrang hrang atan a hmang a, Mizoramin kawlphetha a hmanna ber chu in chhungkhur mamawh (domestic) thilah a ni.
Mizoram Economic Survey bu thar berah financial year liam ta 2022-23 chhunga Mizoramin kawlphetha a hmanna leh a hman dan hrang hrang tarlan a ni a, Mizoramin kawlphetha a neihah a tam ber chu in chhungkhur mamawhah a ni.
Economic Survey bu-a a lan danin, 2022-23 chhung khan Mizoramin kawlphetha hi MU 293.08 a nei a, chung zinga MU 293.44 chu in chhungkhur mamawhah hman a ni.
In chhungkhur mamawha hman hi a tam ber a ni mai lo a, a tam fal nalh; a dawttuin a thlau hle, mipui hnena tui sem (public water works) nan MU 95.96 hman a ni a, hei hi kawlphetha a hman tam lama pahnihna a ni.
Commercial lamah MU 51.95 hman a ni a, non-domestic-ah MU 15.77, industry lamah MU MU 13.57, bulk supply-ah MU 13.42 hman a ni.
Agriculture lamah kawlphetha hi Mizoramin a hmang tlem a, 2022-23 chhunga a hman tlem berna niin, irrigation & agriculture-ah MU 1.06 a hmang.
Kawlphetha hmannate
KJS MU 4.88
Domestic MU 293.44
Non-Domestic MU 15.77
Commercial MU 51.95
Public Lighting MU 2.48
Public Water Works MU 95.96
Irrigation & Agriculture MU 1.06
Industrial MU 13.42
Bulk Supply MU 13.57
Temporary MU 13.57