Kawng chhiaa tang lirthei khalhtute mangang

Khamrang leh Sairang inkar kawng a chhiat avangin lirthei engemaw zat an tang a, lirthei enkawltute an mangang tih thu dawn a ni.
Mizoram Truck Owners Association hruaitute sawi danin, ni 12 tang tawh te, ni 10 tang tawh te, chawlhkar khat tang tawhte an awm a, tlang theih hun nghakin an tanna hmunah lirthei enkawltute hi an awm tawp mai.
“An road ration te a lo zo a, eitur nei lova awm te pawh an awm,” an ti a. kawng laka ei tur buhfai leh thil dang an paite a zawh tawh avanga rilTama awm an awm Thin tih an sawi.
Khamrang leh Buichali velah truck hi 400 vel an tang mek tih an sawi a, a tam zawk chu hnam dang an nih an rin thu an sawi.
Kawng chhiaah truck a tlu Thin a, kuminah tlu a tam leh tawh. Nikum lamah pawh a tam tawh a, a tluk loh pawhin kawng chhiaah lirthei a inelh nasat avangin lirtheiin a tuar. An tum ram an thlen pawhin kawnga an thang rei bakah lirtheiin a tuar avangin lirthei hmanga eizawngte a nghawng nasa tih te an sawi.
Truck Owners Association hruaitu pakhat chuan ThawhTanni khan IOC hotu pakhatin kawng hi a en thu a sawi a, hetiangah lirthei an tlan ngam zel dawn em ni a ti, a ti.
Aizawlah ni tin mamawh thil hrang hrang a harsa telh telh a, cement leh in sakna bungrua te pawh a vang Tan. Tuialhthei pawh a phurtute an nuar tawh lo chungin a la harsa a, eitur thil chi hrang hrang a thleng mumal lo rei tawh bawk.