Kawng khuara chesual thi
Truck an tlan pelhna tura kawng khuara tlu palh scooter-a a hnunga chuang hmeichhia a thi.
Thudawn danin, Lalropuii (42) d/o JH Neichhunga (L), Khatla chu October 17 zan dar 8.00 vel khan West Phaileng atanga scooter-a an haw lam, Phunchawng Veng huamchhungah truck an tlan pel tur chu kawng khuara an insawhna lamah tla palhin truck hian a chil zui a, a hmunah hian ka chhawn lohin a thi.
Phailengah hian a pu pension tihfel ngai buaipuia kal an ni a, chumi an haw lam chu Phunchawnga BRTF camp awmna zawnah truck-in a side a pe a, pelh an tum kawng khuara an tlan lut chu cubic lung lo awm su in an tlu a, truck pawh hi tlan chak lo mah se, inpel mai tur an nih avangin a inbarh lut palh ta nia sawi a ni.
Lalropuii hi a pi leh pu bula awm a ni a, kuminah a chenpui a pi leh a nute-i te an thi a, a ni hi kuminah an in atanga ruang pathum a chhuahna a ni tih thudawnna chuan a sawi.
Kawng khuara chesual thi
