Kawng siamna tur sum sawh
hek duh minister kan awm ve lo
– Lalmuanpuia Punte
ZPM sawrkarah chuan kawng siamna tur sum sawh hek duh minister an awm ve loh avangin kawngpui siam pawh a chhah tha bik tih MLA Lalmuanpuia Punte chuan a sawi.
ZPM Hrangturzo East Block-in Ningania Mualcheng-a political training an neih a hmanpuinaah bialtu MLA, adviser to CM Lalmuanpuia Punte chuan, kalphung thar sawrkarah chuan sawrkar kal tawhte aia fel leh tha nih an tum a. Minister leh MLA te pawh chief minister kaihhruaina hnuaiah sawrkar hna lakah an fair in, theihtawpa dika kalpui thin a ni tih a sawi. Party worker vuivai deuh an awm thin tih sawiin, “Kalphung thar sawrkarah chuan minister leh MLA te chauh ni loin, kan party worker zawng zawng pawhin dik tak leh fel taka hna lak, party bil induhsakna awm lo hi inthlan hmaa kan auhla a nih angin, dik taka kal tura kan inhuam a ngai ve. Kawng siamna sum sawk hek duh minister kan awm ve loh vangin kan kawng siam pawh a chhah tha bik a. Sawrkar hna lak a dik tak avangin thalai hna zawng mekte rilru a chawk phur a. A thiam leh fit apiang dinchanna hian kan rilru a siam tha chho leh mek a ni,” a ti.
Kawng siamna tur sum sawh hek duh minister kan awm ve lo – Lalmuanpuia Punte
