Kawnpui to Sairang NH-06 thawmthat hna chu a zualpui an zo hnai tawh a. Hetihlai hian lirthei liana eizawngtu pawlte chuan kawng thawmthat dan hi an beisei a sang loa, tlan harsa khawpa chhe leh thuai theiah an ngai. Sawrkar thuchhuah danin, kawngpui chhe mekah a chhe nasa lai ber leh khawih harsa lai ber nia ngaih Zoram Mega Food Park Khamrang bul kawngpui chu Ningani khan siam a ni a, a chhe lai hi metre 100 vel niin, boulder-a hnawhkhah a ni. Excavator pahnih, vibratory roller pakhat leh grader pakhat hmanga hna thawh a ni a, kawngpui sir tawn tawnah tuihawk luankawr tha taka hai a ni ang.
Kawngpui thawmthat hna thawktu NHIDCL-in Kawnpui to Sairang kawng hi one way-a lirthei tlan tir an inhuam tawh a, an tlantir tan tawh.
The Aizawl Post zawhna chhangin lirtheia eizawngtu pawl hruaitute chuan Nilaini khan kawng chhe thawmthat hi an en a, boulder phah a, nawr muk mai a ni a, kawng chhuat tak tak chu chirha ala inchiah tho avangin bungraw phur rit lirthei hoin an zawh tak tak chuan a daih rei an ring lo tih an sawi a ni.
Kawng thawmtha zo hnai tawh Lirtheia eizawngte beisei pha lo
