Kawng thawmthat mek enpui
PWD minister Vanlalhlana chuan October 21-23 chhunga Sakawrdai khuaa YMA Inkhawmpui Lian neih tura inbuatsaihna atan N. Vervek, Mauchar, Tuirial, Saipum, Saiphai, Vairengte, Serkhan inkar kawng NH-306A dinhmun a enfiah.
NH 306A hi Mizoram hmar lam, Kolasib leh Mamit district mipui tan Sakawrdai pan theihna tur kawng niin, Kutcha road (la metal loh) a ni a, Nuam leh him zawka helai kawnga lirthei an tlan theihna turin PWD chuan thawmthat hna a thawk mek. Khua a that a, ruah a sur nasat loh chuan lirthei pawh tha taka an tlan theih tur thu leh chutiang tur chuan chak taka hma lak a nih thu minister hian a sawi
Minister hian Tuirial Hydro Power Station a tlawh nghal a. NEEPCO hotuten lo dawngsawngin power dehchhuah dan report an lo pe a ni. Tuirial HP Station atang hian kawlphetha megawatt 60 thar chhuah niin, hemi atanga zaa 12 hi a thlawnin, a bak zaa 88 chu Mizoram sawrkain a lei thin a, tun dinhmunah leiba liantham engmah a awm lo tih an lo sawi.
Kawng thawmthat mek enpui
