Queensland, Australia a cheng Nick Manning chu America’s Got Talent-ah inlanin, second 30 chhungin kekawrte hak thuah hnem hman ber record siam tum a, kekawrte 20 a hak thuah hman nain, record a siam hman ta lo. Hetiang record hmasa chu ama siam tho hi niin, 2023 khan second 30 chhungin kekawrte 23 a hak thuah hman a ni.
Nick Manning hian kekawrte hak thuahah record siam ta lo mah se AGT show entu leh judge te nan record dang an siam ve thung a, kekawrte an khum far mai a, hmun khata kekawrte khum awm khawm tam ber record an siam a, mi 1,026 an ni!
Nick Manning hian AGT-ah hian audition round a paltlang zo ta chuang lo a, judge pali Simon Cowell, Howie Mandel, Heidi Klum leh Sofia Vergara ten ‘No’ tih vekin an vote tla ta tho a ni.
Nick Manning hi Guinness World Records-ah a mikhual tawh lo a, kekawrte 10 hak thuah rang thei ber record siamtu a ni mek a, second 13.03-ah a ha zo hman a, minute khata kekawrte hak thuah hnem hman ber record siamin, kekawr 44 a hak thuah hman bawk.
Kekawrte hmangin record siam
