US pa, khabehmul buk tha zet mai Joel Strasser chuan a khabehmulah toothpick (ha kherna) 3,500 a thiat thei a, Guinness World Record a siam. A khabehmula toothpick a’n thiat tak tak mai chu a khabehmul zawng zawng a hliah khuh vek thei! A hmaa hetiang record siamtu chu Jeff Langum niin, ani hian a khabehmulah toothpick 3,157 thiat tang theiin record a siam a, ani hian darkar 3 leh a chanve hun a hmang ve thung a, he record hi Joel hian a rawn khum ta a ni.
Guinness guidelines-ah chuan hetiang record siam tur hian khabehmula toothpick a beh ngheh theihna thil dang engmah hman phal loh a ni a, Joel hian a khabehmula hetiang zat toothpick thiat tang tur hian darkar 3 leh minute 13 hun a hmang a ni.
Joel hian a khabehmul hmangin Guinness World Record a lo siam nual tawh a, khabehmula paper straw thiat hnem thei ber (534), khabehmula straw thiat hnem thei ber (312), khabehmula chopstick thiat hnem thei ber (520), khabehmula fork thiat hnem thei ber (126), khabehmula pencil thiat hnem thei ber (456), khabehmula kawrchilhna dah hnem thei ber (359), minute khat chhunga khabehmula chopstick thiat hnem thei ber (86) leh minute khata khabehmula pencil thiat hnem thei ber (59) record te pawh a lo siam tawh bawk a ni.
Khabehmula toothpick thiat hnem thei record siam
