February 5 – 14 chhung hian Mizoram district hrang hrang zinga Rural Development Block 11 huam chhunga khaw 165 ah MGNREGS social audit neih a ni dawn.
Social audit neih tur pual hian kumin January 30 khan District leh Block tin atanga official-ten nen hruai tur inhrilhin \hutkhawm a ni a. Social audit \angkaina, a thil tum leh mamawh tur inhrilhfiah a ni.
Social audit hi heti lam hreching tawh district resource person leh block resource person 55 bakah village resource person 165 ten an kalpui ang.
Kum 2005-a siam MGNREG inkaihhruaina danin Gram Sabha hnenah social audit neih theihna chanvo a pek ang leh he dan hnuaia section 17-in khaw tinah social audit kalpui vek tur a tih angin, director kaihhruaina hnuaiah level hrang hrang – District, Block, Village level-ah te neih thin a ni. Social Audit Unit din tirh atang hian Mizoram khaw hrang hrangah vawi 3249 neih a ni tawh.
Social audit–in a tum ber chu, mipui chawikanna leh hmasawnna scheme hrang hrang sawrkarin a siam atanga hamthatna dawngtu, a bikin thingtlangmi, hna kalpui a nihna khuaa mipui leh a scheme buaipuitu official-te nena tangho a, a tha thei ang bera a hlawhtlinna hmuh a nih theihnan theihtawp chhuaha endik pui a ni. Langtlang, rintlak leh awmze nei taka hnathawh kalpui a nih theihnan leh mipui hmasawnnan social audit hi a pawimawh tih sawi a ni.
Khaw 165-ah social audit
