Phulpui, Maubuang, Sumsuih leh Thiak ram kartawnin ramsial maltlat a awm nia an hriat thu Association for Environmental Preservation (ASEP) chuan chuan sawiin, theihtawpa humhalh tuma tan lak an tum tih an sawi.
ASEP Gen. Hqrs. chuan heng khaw pali ram velah hian ramsial a awm nia hria in Thawhtanni khan heng khua pali hi tlawhin a hmunah thil awm dan an enfiah a. Nikum lam atang khan ramsial chu a awm ngei nia a lan thu sawi niin, a rual ni lo maltlat nia hriat a ni.
A awmna leh a chetvel thinna hmun pawh an thlir a, a awmna ram bial a zau tham avangin tun dinhmunah khawi khaw ram berah nge a awm tih hriat mai theih a ni lo tih an sawi a. Theihtawpa humhalh tura tan lak tlan tha an ti tlang a, thawh ho zel pawh an tum dawn tih sawi a ni. Theih ang angin an thlithlai tlang zel anga, a ramsial ngei pawh a a thla lak an la tum dawn tih an sawi.
Heng khaw 4-a VC leh YMA ah ASEP hian ngenna lehkha an pe vek a. Ramsial hi nungcha humhalhna dan – The Wildlife (Protection) Act 1972 ah ‘Schedule-I animal’ zinga awm a ni a. Dan bawhchhetu chu kum thum aia tlem lo lung in tan leh cheng nuai khat aia tlem lo chawi tira hrem theih a ni tih an sawi a ni.
Khaw 4 ramah ramsial mal tlat
