Tunlaiin Tlabung-ah khua a lum zual a, Thawhlehni leh Nilaini khan sikul pawh zing karah an kal.
Tlabung-ah hian sorkar lamin lum leh vawt an teh lo a, mipuiin mahni awm hmuna an teh dan chuan, kar hmasa leh a hma leh chawlhkar a\ang khan degree Celsius 40 a kai fo, 41 kai chang pawh a awm.
“April leh May vel hi Tlabung leh a chhehvel lum hun a ni a. Mahse kum dangah chuan degree Celsius 40 a kai hian kan sawi luih luih \hin a, kuminah chuan a kai ngun avangin kum dang angin kan sawi luih luih lo,” tiin Tlabunga chanchinbumi pakhat chuan The Aizawl Post a hrilh.
Thawh\anni khan P&E department lamin Thawhlehni leh Nilaini-ah Tlabung-ah electric eng a awm dawn loh thu an sawi a, Tlabung MZP lamin school education te ngenin zing kara sikul kal hi an dil a, electric current awm loh ni Thawhlehni leh Nilaini-ah zingah sikul an kal ta a ni.
Tlabung a\anga thu dawn danin, khawlai pawh a reh a, dawr inkhar pawh an tam. Hlawhfa pawh hmun \henkhatah chuan chhunah thawk lovin zing karah an thawk.
Tuipui kam khua an nih avangin khaw lum hi a uap a, degree Celsius lama khaw dang nen a inan pawhin Tlabung chu a lum bik \hin an ti.
Khaw lum vangin zingah sikul kal
