Pathian pa lo kawn Upper Sakawrdai khaw thar tan School Education minister Lalchhandama Ralte chuan Nilaini khan comprehensive school building sak thar a hawng.
Minister chuan mamawhtute mamawh phuhruk a ni chu hlimawm a tih thu a sawi a. Naupangte zirna sikul hawn thar a nih tak avangin helai hmuna chhungkaw chengte pawh an pun zel a beiseiawm tih a sawi a ni. Upper Sakawrdai khawchunga la awmte insawn nan Pathianpa lo kawnah ram leifel a nih thu leh a awm hmasa apiangte sakna tur a nih thu a sawi a ni.
Zirtirtute chu hmathlir neia kal turin a fuih a, khawtlang pawhin an chenna tur lo ngaihtuahpui a tul tih a sawi a, Anganwadi sakna tur ruahman nghal a tul thu a sawi bawk.
Pathian pa lo kawn Upper Sakawrdai hi khaw hmun thar a ni a. Upper Sakawrdai khawchung amite insawn nana ruahman a ni. School hawn tharah hian class I-VIII an awm a, zirtirtu 5 an awm.
Khaw thar tan school hawng
