Chhiah pek loh avanga lirthei documents leh driving license thi tawh te tan late fee chawi loa fee pek theihna hun chu August 16 atang khan a inhawng.
Transport minister TJ Lalnuntluanga chuan hemi chungchang hi a lo sawi tawh a. Road tax, passenger tax, goods tax, fitness fee leh permit fee chu a hun taka pek a nih loh chuan hremna pek an ngai thin tih sawiin, hrileng avangte, awmna hmun a hlat avang leh Mizoram mipui harsatna hrethiam chungin, chief minister Pu Zoramthanga chuan he khawngaihna hun hi kumin August 16 atanga December 31 thleng hawn a nih theihna’n a phalsak tih a sawi a. Lirthei documents fel lo leh driving license thi tawhte chu hemi hun chhung ngeia tifel vek turin an ngen tih a sawi a ni.
Minister sawi danin, Mizoram pumah lirthei register 291883 a awm tawh a. Heng zingah hian lirthei document nung lo, chhiah ba 89225 awmin, lirthei register zawng zawng zingah zaa 30 chu documents nung lo a ni. Driving licence 483312 zinga engemawzat chu renew ngai a ni tih a sawi bawk.
Khawngaihna hun intan
