Coordination Committee on Traffic Management (CCTM) thukhawmin thu a lo dah tawh ang leh danin thuneihna a pek angin senior SP Traffic Aizawl chuan kumin August 1- 31 thlenga enchhin turin lirthei tlan dan tur ruahmanna a siam.
Lirthei intlanchhawkin a huam chin tur kawngpui chu – Bawngkawn leh Kulikawn inkar main road: Chaltlang leh Ramhlun peng, Bawngkawn atanga Kulikawn (Ngaizel, Tlangnuam leh Pika Road peng thleng) inkar via Chaltlang/ Ramhlun (Laldenga Road) – Chanmari -Lower & Upper Zarkawt- Dawrpui -Upper Khatla- Sikulpuikawn – Kulikawn.
Sikulpuikawn leh Khatla inkar: Sikulpuikawn atanga MINECO peng (Marova Point)/ 23 Sector AR gate bul thleng via Peter Street, Khatla.
Khatla leh Vaivakawn inkar: Khatla Kawn atanga Vaivakawn Taxi Stand, Bazar Bungkawn peng thleng via Temple Square.
Heng kawngpui dung tarlan loh kawngpui dang zawngah chuan tlan ni bik awm loin tlan theih vek a ni a, hei hian lirthei entry period nei hrangte erawh a huam lo.
Lirthei zawng zawng (mimal, sawrkar leh bungraw phur lirthei, district dang lirthei leh state danga lirthei register pawh huamin) intlanchhawk hian zing dar 9.30 atanga tlai dar 6.00 thleng a huam dawn a. Lirthei intlanchhawk hian Inrinni, Pathianni leh sawrkar holiday a huam lo a ni.
Intlan chhawkin a huam loh tur lirthei chu 2022 February 19-a mipui hriata tihchhuah tawh chu hman chhunzawm zel tur a ni.
Taxi tlan dan tur: Taxi (LMV leh two wheeler) chu group 5 – A, B, C, D leh E ah then an ni anga, kar khat chhungin group tinin nikhat zel tlan loh ni an nei ang. Taxi intlanchhawk hian Thawhtanni atanga Zirtawpni apiangin zing dar 9.30 atanga tlai dar 6.00 inkar a huam dawn a ni. Taxi intlanchhawk hian Inrinni leh Pathianni a huam lo.
Khawpui kawng dunga intlanchhawk bik enchhin zel dawn
