Viksit Bharat Sankalp Yatra (VBSY) Urban campaign chu neih mek niin, Thawhlehni khan YMA Hall Salem Veng Aizawlah neih a ni.
Campaign hmanpuitu larsap Dr Hari Babu Kambhampati chuan VBSY chu India sawrkarin ram hmasawn zinga India hlankai a tumna kawnga hmalakna pawimawh tak tak a neih mekte hmawrbawkna atana tih a nih thu a sawi a. VBSY-in a tum ber chu, kum 2047 a lo thlen hunah India ram chu ram changkang (developed nation) zinga tel tir a ni a; India-in he dinhmun a thlen theihna kawngah Mizoram pawhin tih tur a nei a, heng hmalakna tih puitlin a nih chuan nasa takin hlawkna a tel dawn tih a sawi a ni.
VBSY Urban programme bul tan nan Prime minister Narendra Modi thuchah thlirho a ni a. Hemi hnu hian kuthnathawktu zinga hlawhtling thlanchhuah ten an thil tawn leh an hlawhtlinna an sawi a ni.
Larsap ho hian PM-KISAN & Soil Card chungchangah kuthnathawktute nen inkawm a ni a. GP-ODF Plus status, Jal Jeevan Mission saturation leh a dangtea hmasawnna leh report dang ngaihthlak a ni bawk. Health camp (TB endik leh Sickle Cell Anemia endik) bakah PM Ujjwala thar enrolment, Aaadhar enrollment leh thildang neih leh a ni.
Mizorama VBSY kalpui dan
4Kumin January 15 thleng khan hmun 344-ah neih a ni tawh a, hengah hian mi 30561 an tel.
4Heng program hman tawhna zinga Gram Panchayat 124-ah Ayushman Bharat Card chu a neitu turte neih tir vek a ni tawh a. Har Ghar Jal saturation – tui thianghlim, ei leh in tur pek hna pawh Gram Panchayat 127-ah zawhfel a ni tawh.
4ODF Plus model-in a phut ang Gram Panchayat 167 chuan an tihlawhtling tawh a. Gram Panchayat 49-in ram chungchang felfai taka computer hmanga chhinchhiah hna an thawk zo tawh. My Bharat Volunteer atan mi 13096 inziak lut tawh bawk a ni.
4VBSY program hmannaah hian he program kaihhnawiha thawk tha, hmeichhia 1057 hnenah chawimawina pek an nih bakah zirlai 857, tualchhung infiammi titha 266 leh tualchhung artist-te zingah chawimawina 46 pek a ni tawh bawk.