Joint Action Committee Durtlang Khawthleng YMA huaihawtin Durtlang Leitan khur bula kum kalta furpui hunlaia lei tla, thenfai loha awm reng chu an khawtlanga excavator leh tipper neitute nen paihfaiin Zirtawpni khan an hnatlang.
JAC hruaitute sawi danin, helai kawng hi a min tirh khan kawng a hnawhpin avangin rang taka tih tlang hna thawh niin, leivung pawh a rem dan ang angin kawngsirah nawr cham a ni a. Hemi hnu hian Border Roads Organization lamin paih ve bawk mah se, dumping ground lamah harsatna a awm avangin kalsan a ni.
Tunhnaiah BRO hi JAC hian paihfai turin a ngen leh a, an ni pawhin an theih ang tawkin paih hna an thawh mek laiin, Durtlang Road Shalom Vengthara kopang chimah loh theih loha an insawn leh tak avangin JAC hian hnatlanga paih chhunzawm dan tur an ruahman a, khawchhungah JCB leh tipper neite tlawmngai tura sawmin, hnatlangin an thawk chhuak ta a ni.
JAC chuan hnatlanga excavator leh tipper thawhtute chungah leh hemi pual hnatlang senso atana sumfai thawhtute chungah lawmthu a a ni.
Khawtlangin hnatlangin lei paih
