Danglam taka a lei (tongue) tilian vak thei, Sacha Feiner chuan khawvela lei (tongue) tehkuala lian ber record a siam. Belgium a cheng Sacha lei hi a tilen theih-pa-tawpa a tihlen laia tehkualin 17 cm (inches 6.69) a lian a ni a, Guinness World Record a siam.
Sacha hian a hma pawhin hetiang record hi a siam tawh a, nikum khan a lei chu 14.73 cm (inces 5.79) a tilian theiin record a siam a, mahse, a record hi a ding rei lo, USA a cheng Braydon McCullough chuan 16cm (inches 6.3) a lian, lei neiin record thar a siam ve leh ta a ni.
Sacha hian record siam leh ngei tumin, a lei chu a lian thei ang bera tih dan a zawng kual ta char char a, a hrechhuak ta. Sacha chuan, “Ka lei hi a square share deuha ka tihin a lian zawk tih ka hrechhuak a, a hma kha chuan triangle shape deuhin ka ti kha a ni a. He ka thiam thil thar hian keipawh min barakhih ve khawp mai, tehkualin ka lei chu a lian zawk tlat,” a ti.
Film director leh script writer Sacha cuan a lei a tihlen lai ian engmah na a re lem lo niin a sawi a, mahse, tihrawl dang ang bawkin minute hnih khat hnuah chuan a hah/kham ve deuh thin niin a sawi bawk. A awm mai mai lai pawhin Sacha lei hi mi naran lei ai chuan a lian zawk tho tho a, mahse, a lei lian hian a tawng leh thu lamah engmah a tibuai chuang lo niin a sawi.
Hetianga mipangngai aia lei lian deuh bik neite hi a medical term chuan macroglossia an ti a, mahse, lei tilian thei hi chu a term a la awm bik lo. Sacha hian doctor ten a taksaah engmah dik lo an hmu lo niin a sawi a, “Piansualna nei emaw, lei tihlenna tur damdawi eng emaw ei emaw pawh ka ni lo a, ka lei hi exercise ka lak tir pawh a ni bik lo,” a ti bawk.
Khawvela lei lian ber
