Khawvelah Argentina an la tha ber – Fifa
Ningania Fifa ranking thar tarchhuah leh takah world champion ni mek Argentina chuan an dinhmun ngai luahin tlar hmasaberah an ding chhunzawm a, Fifa ngaiha team tha ber ni chungin kum an khar thei dawn.
Lionel Messi hoin Argentina hian Copa America 2024 trophy hlawhchhuakin, nikum pawh khan kum khat chhunga Fifa men’s world ranking tarchhuah hnuhnung berah world number one an lo ni tawh bawk.
Kum 2024 atana ranking hnuhnungberah hian a hma chiaha top 10 luahtute’n an dinhmun ngai theuh an luah a, India pawh chesawn lo zingah telin 126-na nen kum a khar dawn.
Lionel Scaloni team Argentina hian kumin July thla khan record siama Copa America champion vawi 16 ni thei hmasaber ni turin final-a an khingpui Colombia an hneh a, kha khan Fifa ranking-ah an dinhmun a tinghet zual a; ranking tharah pawh an hum ngai luahin, an hnuaiah France leh Euro 2024 winners Spain an indawt thla chhunzawm.
Euro runners-up England, Brazil, Portugal, Netherlands, Belgium, Italy leh Germany-te chu top 10 luahkhattu ngai an la ni.
December thla ranking-a hmasawn ber Angola chuan 85-na atangin 32 an luah chho a, kumina chesawn nasa ber an ni nghal bawk.
Khawvelah Argentina an la \ha ber – Fifa
