New Delhi lama hmunpui nei NGO, Every Infant Matters hnen atangin corporate social responsibility (CSR) hnuaiah Khawzawl district-in vitamin A leh rulhut hlo (deworming tablet) mum 250000 a thlawnin a dawng.
Khawzawl district bawrhsap K Lalrohlua chuan district mipui hriselna ngaipawimawhin Every Infant Matters (EIM) hnenah hian rulhut hlo leh vitamin A tablet ngaihtuahsak turin ziakin a thlen a. EIM hian ngaipawimawhin a lo bawhzui nghal a, damdawi mum 250000 a thlawnin a rawn thawn a ni.
Vitamin A box 200 (mum 100000), albendazole box 150 (mum 150000) a ni a, thilpek hlut zawng hi Rs. 16,00,000 hu vel a ni. Heng damdawi mamawhte hnenah a thlawnin semchhuah tum a ni.
Khawzawl tan damdawi
