Khualzinte hipna tur inelnaah Serchhip district-in pakhatna la

Khualzinte hipna tur inelnaah
Serchhip district-in pakhatna la
Khualzinte hipna tur leh awlsamna siamsak kawnga ruahmanna insiam siakah district tin an inel a, Serchhip district chu titha ber an ni.
Tourism department huaihawt he intihsiak hi a vawikhatna a ni a, Thawhlehni zan khan Aizawlah a titha te puangin lawmman sem a ni. Hmanpuitu Rural Development minister Prof. Lalnilawma chuan district bawrhsap-ten phur taka tourism hmasawnna atana an district theuha tourist destination an rawn pho chhuak chu hmasawnna pawimawh tak a ni tih a sawi a. “Mizoramin khualzinmite hip theihna kan nei tha a, kan la haichhuah tur pawh tam tak a awm ngei ang,” a ti.
Bawrhsap ten an district theuha khualzinte tlawh chakawm tur an pho chhuah chuan beng a tivarin mit a tihtlai bakah khualzinmite hipna kawngah hmasawnna a thlen belh ngei dawn tih a sawi a. Mikhualte chunga that chhuah thin Mizote tluka khualzin dawl thei tur an awm bik lo tih a sawi a ni.
Intihsiakah hian Serchhip district bawrhsap pisa chu pakhatna niin sumfai Rs. 30000 an dawng a, pahnihna Saitual district niin Rs. 20000 an dawng. Pathumna Lunglei district niin Rs. 10000 an dawng a ni.