Khuanglenga ar vulhtu lian
AH&Vety minister-in tlawh
Champhai district Khuanglenga ar vulhtu hlawhtling chho mek John Lalrinchhana chu a hnathawhna an khuaah Nilaini khan AH & Vety minister C Lalsawivunga’n a tlawh a. Mizoram sawrkar flagship programme – Bana Kaih tihhlawhtlin tum leh intodelh tuma theihtawp a chhuahna lawmawm a tih thu sawiin, a department chan atanga tanpuina awm thei ang pek a tiam.
AH & Vety minister chuan intodelh chu an thupui leh innghahna a ni, tiin, chumi tihlawhtling tur chuan Bana Kaih policy leh kawng hrang hrangin sawrkar department tinin hma an la mek a. An department pawhin theihtawp an chhuah a, John Lalrinchhana’n intodelh mai ni lo, tam tak thawnchhuak thei tur khawpa a beihna chu a ropui tih a sawi a ni.
“Helai hmun hi sawrkar chuan kan ngaipawimawh em em a, ar vulh mai ni loin a bul maiah hian sawhthing sawngbawlna (Ginger Processing Plant) siam tum a ni a, kum 2026 January-ah chuan zawhfel theih kan beisei,” a ti.
Horticulture minister ni bawk C Lalsawivunga chuan, sawhthing sawngbawlna tur hmun hi tlawh nghalin, a panna kawng metre 270 siam hna leh zauh hna thawh mek a ni a, tui litre nuai 10 dahkhawlna siam leh khawl chi hrang hrang chawm zo tur transformer bun hna thawh mek a ni.
Khuanglenga ar vulhtu lian AH&Vety minister-in tlawh
