August 19-23 chhung hian Synod Multipurpose Training Centre (SMTC) buatsaih Lay Leaders Training vawi 227-na neih a ni.
Tun tum training-ah hian Presbytery pariat – Khawthlang, Sakawrhmuituai, Teirei, Tuirini, Tuichangral North, Tuichangral South, Tuipuiral leh Aizawl Hmarchhak Presbytery atangin kohhran upa 36 an tel.
August 19 zan khan training hi hawn a ni a. August 23 (Zirtawpnini) zanah khar a ni dawn a, Synod executive secretary Rev Dr K Lallawmzuala’n certificate semin thuchah a sawi ang.
Presbyterian Kohhran hnuaia upate tana Lay Leaders’ Training hi kum 1996 atang khan neih tan a ni a, training-ah hian kohhran upate tan kohhran enkawl dan leh inrelbawlna lam atana pawimawh chi hrang hrang zir thin a ni a; thlarau lam nun enkawl dan tha te zir ho thin a ni bawk.
Kohhran upate inzir zo dawn
