Kolasib bialtu MLA, deputy speaker Lalfamkima chuan Kolasib khawpui bawlhhlawh sawngbawlna hmun, Solid Waste Managment Centre (SWMC) Dihmunzawl chu Thawhlehni khan tlawhin, bawlhlawh sawngbawl dan a hmunah a enfiah.
Kolasib khawpui bawlhlawh hi Waste Tech & Bio Energy hnenah a khawnkhawm leh sawngbawl hna PPP mode-a pek a ni a, tun September atanga thawh tan tir an ni. Thawktute hian digital weight bridge bakah an mamawh dang ho chu bialtu MLA hnenah hian an lo thlen a; tawih thei leh tawih thei lo paih pawlh a la awm avanga an buai rih thu an lo hrilh bawk.
Deputy speaker chuan bawlhhlawh tawih thei leh tawih thei lo paih pawlh a awm loh nan mipuiah uar zawka inhrilh that a tul tih a sawi a. Mipuiin kan bawlhhlawh sawngbawlna hmun leh an hnathawh dan an hriat a, a hmun ngeia an hmuh a tul rualin, a hmunhma chu tun aia tih faia, tih thianghlim a tul tih a sawi a ni.
SWMC chu pilot project a ni a, a vawikhatna a nih avangin tih hmaih tam tak a awm ngei a rin thu leh mamawh chu a tul anga bawhzui a tum thu a sawi bawk.
Deputy sepaker hi Kolasib bawrhsap Robert C Lalhmangaiha leh DUDO Kolasib Josephine Zonunsangi ten an tawiawm a ni.
Kolasib bawlhhlawh sawngbawl dan en
