MLA inthlan atan Kolasib district-a Assembly bial pathumah polling station 89 a awm a. Thawhtanni zing khan Kolasib atangin an duty-na tur polling station panin an chhuak.
Polling party-ah hian presiding officer leh 1st, 2nd & 3rd polling officer-te bakah security personnel leh driver-te an tel a. Hmun pan harsa zual a awm loh avangin a rualin ni khata chhuah tir an ni.
Polling station 26 awmna 4-Tuirial Assembly biala duty tur polling party 26, polling station 29 awmna 5-Kolasib Assembly biala duty tur polling party 29 leh polling station 34 awmna 6-Serlui Assembly biala duty tur polling party 34, an vaiin polling party 89 an chhuak a. An zingah hian hmeichhe hlang awmna polling party 10 (Tuirial bialah 3, Kolasib bialah 4 leh Serlui bialah 3) an tel. Polling party chhuak ta te bakah hian a tul thulha chhuak nghal thei turin thlavenga dah, polling team engemawzat inralring sain an awm a ni.
Kolasib district-a sector 16-a sector officer-te leh critical polling station 7-a inthlan viltu tur micro observer-te pawh an duty-na lam panin an chhuak ve nghal bawk.
Kolasib district-ah PS 89
