Kolasib District Planning Committee chu an chairman, bawrhsap Robert C Lalhmangaiha hoin an thukhawm a. Kolasib district-a MLA pahnih – Kolasib bialtu Lalfamkima leh Serlui bialtu Lalrinsanga Ralte ten an telpui.
Deputy speaker ni bawk Lalfamkima chuan an project bawhzui zingah pawm a awm a, hma lak theih a nih pawhin tunlaia Mizoram hmun hrang hranga tawn awm thin, a veng neitute ta bik emaw tia ngaih thinna chu awm loin, Kolasib district chhung awh, mipui intawm a ni tih thinlung kan put a pawimawh tih a sawi.
Serlui bialtu MLA pawhin District Development Project a nih ang taka Kolasib khaw chhung mai ni lo, district huapzo project siam a pawimawh tih a sawi a. Kolasib chu district dang ang lo tak, ramri depa awm a nih avangin, project siamtuten uluk taka an ngaihtuahna seng a, ramri depa awmte hmasawnna siam thei tur project chhawpchhuah a tul tih a sawi a ni.
An project thehluh tum hi – cheng vaibelchhe 24.15 senna tur Project Veng Kolasib-a multipurpose centre sak, Ministry of DoNER hnuaia hmuh beisei; Kolasib Venglaia Taitesena Hall thawmthatna atana cheng nuai 55 ruahman leh 100% central funding hmuh theihna tur zawn; cheng vaibelchhe 21.15 ruahmanna Khuangpuilama recreational centre, Ministry of DoNER hmuh beisei te a ni a. State level-a la luhtir tura pawm a ni.
Heng bakah hian Kolasib & Bairabi Water Supply Scheme, North Chaltlang Solar Pumping Water Supply Scheme, Lungmuat Solar Pumping Water Supply Scheme, Saiphai Water Supply Scheme leh Silchar Mizoram State Transport Centre tihchangtlunna tur project pawh state level thutkhawma la ngaihtuah tura pawm a ni bawk.
Kolasib district tan project siam
