Rose par sen, teddy bear leh candy heart tih vel i hne tawh em? Hetiang ringawt mai dawn ziah hi i pek thin khan a lo ning ru viau tawh mai thei a sin. Kumin chu thil thar han ti ve chhin tawh teh le. Kum danga i la tih ngai hauh loh te ngaihtuah la, chutiang chuan kumin Krismas chu special takin hman tum ang che.
1. A tan i inpum pek tih lan tir la. Ama tan liau liau hun pein, ei tur special tak siam sak a, nangma siam ngei a ni tih a hriat phei chuan a lawmna a belhchhah ang. Krismas denchhenin a hnenah thutiam i nei a nih chuan tipuitling ngei ang che.
2. Eng nge ka present ang, tih vel ngaihtuah a buai vak lovin, amah kha i tan a special a ni tih a inhriat theihna tur ngaihtuah zawk rawh. Engin nge tinui a, tihlim thin tih te ngaihtuah teh.
3. Love letter thawn rawh. Tunlaiah love letter kan inthawn ta meuh lo, mahse, chutiang chu han ti chhin teh le, i present pek leh card man to tak tak aiin a hlimpui daih zawk ang.
Kumin chu electronic lampang thilpek atan hmang rawh, chu chu rose, chocolate tih vel ai chuan a lawm zawk ang. Chutiang chu mithiam te sawi dan a ni.
Consumer Electronics Association (CEA) in zirchianna an neih atangin technology lamah hmeichhia te an thangharh nasa tawh a, tun hnaiah heti lamah hian hmeichhia te an tlan chak hle a, hmeichhia 10 zela pariat chuan consumer electronics product (mobile phone, smartwatch etc) hi an ngaihven hle a ni.
Chutihlaiin mipa te chuan consumer electronic lei lamah hmeichhia an la khum ta tho a, khawvel puma mipa te hian chawhrualin kum khatah consumer electronics lei nan dollar 1,500 vel hmang ang an ni a, hmeichhia te erawhin dollar 900 vel hmang ang an ni thung.
CEA manager of strategic research Jessica Boothe chuan, “Hmeichhia ten electronics lampang dawn an chak viau dawn a ni,” a ti.
Krismas-ah eng nge i pek dawn
