Hmun hrang hrang kudam-ah dan loa lakluh kuhva rah dah a awm thu sawrkarin a hre lo a, a hria chuan chiang takin sawrkarah report theih a ni tih Home minister K Sapdanga chuan a sawi.
Zawhna chhangin minister chuan, tun sawrkar tharah dan loa Mizorama kuhva tawlhruk bag 2868 man a ni tawh a. Kuhva rah man hi kawl that a ni a, a tawlhnaa mawhphurtute pawh hren mek niin, an chungthu ngaihtuah naa thutlukna siam hunah an hrem dan tur chu a lo chhuak mai dawn tih a sawi.
Kudam hrang hranga dan loa lakluh kuhva lakluh dah a nih thu sawrkarin a hre loa, report an dawng lo tih sawiin, “A awmn tih hria chuan chiangkuang zawkin sawrkarah report nise,” a ti. Kuhva veivak erawh danin a khap a nih angin, an rawn lakluhna chu khawi atang pawhin nise, Mizorama thar a nih loh chuan sawrkar dan dinglai angin man thin a ni tih a sawi a ni.
Kudam-a dan loa kawl kuhva dah a awm thu kan hre lo – HM
