Kum 23 hnuah MTV VMA stage-ah
Madonna a perform leh dawn ta
Madonna chu kumin MTV Video Music Awards show hawnnaa perform tur a ni a, kum 23 hnua MTV VMA stage-a a perform lehna hmasa ber a nih dawn bakah MTV VMA show opener a nih vawi ngana a ni dawn a, he show opener a tang ngun ber a ni.
Madonna hi 2003 khan Britney Spears, Christina Aguilera leh Missy Elloitt te nen MTV VMA show hawnnan an perform a, chumi hnuah tun hi MTV VMA stage-ah live performance a la nei leh ta miah lo a, kum 23 hnuah a rawn comeback leh dawn ta a ni. 2003-a Britney leh Christina te nena an perform tum kha vawi thlenga sawi hat la kai ta reng a ni a, khami tum khan Madonna hian stage-ah Britney Spears leh Christina Aguilera te hi a chuks ve ve a ni.
Madonna leh Rihanna te hi MTV VMA show hawn nana perform ngun ber niin, tum li ve ve show opener an ni tawh a, kumin Madonna hi show kick off-tuah a tan leh dawn avangin Rihanna hi a kalsan dawn ta a ni. 2003 bakah Madonna hian 1989 (“Express Yourself”), 1993 (Bye Bye Baby), leh 1998 (“Shanti/Astagi,” “Ray of Light” Lenny Kravitz nen) MTV VMA show a lo hawng tawh bawk a ni.
Kumin MTV VMA hi Los Angeles-ah September ni 27 a neih tur niin, US-ah chuan CBS bakah Paramount+ (Premium)-ah te tihchhuah a ni dawn a, ramdang tan a tukah Paramount+ leh MTV-ah a en theih ang.
Madonna hi kumin MTV VMA nomination-ah pawh a langsar ber niin, nomination 11 a nei a, chung zingah chuan award ngaihhlut video of the year, artist of the year leh song of the year te pawh a tel. Tun tum hi MTV VMA nomination-a langsar ber a nih tum thumna a ni ta a, 1990 kan nomination pakua neiin a langsar ber a, 1998-ah nomination pakua bawk neiin a langsar ber tawh bawk.
Madonna hian VMA record a lo siam zauh zauh tawh a, MTV VMA an sem hmasak ber, 1984 khan ‘Like a Virgin’ a perform a, 1986-ah Video Vanguard Award dawngin, hmeichhe zinga dawng hmasa ber a ni. Hei bakah hian VMA hi 19 a dawng tawh bawk.
Kum 23 hnuah MTV VMA stage-ah Madonna a perform leh dawn ta
