Croatia tana kumin World Cup khel tur squad puan takah khan an ram tana khel hnem ber (196 ) ni mek Luka Modric chuan rin lawk ang ngeiin hmun a chang a, kum 40 mi ni tawh mah se captain banhren nen ngei North America khawmualpuiah ram tan a fehchhuak leh dawn a ni.
Veteran midfielder Modric hi khaba ruh khi avangin tunlai hian a chawlhahdam mek a, tournament tan hmaa a dam fel hman beisei a ni.
AC Milan playmaker hian kumin April thla tawpa Juventus match-ah khan an inatuhna lamah hliam hi a chhar a, zai tawk zui mah se Croatia coach Zlatko Dalic chuan a 26-man squad-ah a telh zui ta tho a ni.
2018 Ballon d’Or award dawngtu Modric chungchang sawiin Dalic chuan, “Face mask vuah chungin training a kalpui thei a, a training pawh a tluang hle a, a hliam hian a pui zawk hial mai thei.
“A dinhmun dik tak chu kan la hre chho zel dawn tho nain tunah hian amahah rinhlelh leh hlauhthawn engmah ka nei lo a, a game pawh a tlakhniam phah kher lo ang,” a ti.
Real Madrid leh Tottenham player hlui Modric hian kum 2018 World Cup-a Croatia final luhna kawngah khan a thawhhlawk chungchuang hle a, kum 2022-a semi-final an thlen lehna kawngah pawh chuti bawk. Kumin hian a vawi ngana atan World Cup a khel ngei dawn niin a lang.
Kum 40 tlin tawh hnu pawha la hnawl rem lo Modric!
