United Arab Emirates (UAE) chuan kum 60 dawn member a nih hnuah thla thar hian tuialhthei thar chhuaktu ram lian intel khawm, Opec leh Opec+ a chhuahsan dawn.
UAE hian thutlukna hi khawvel puma energy mamawhna sang zel chu hun rei zawk atana an phuhruk theih nan tun hnaia tuialhthei laih chhuah theih tihpunna tura investment an neih hnuah a siam tih sawi.
Ram tangrualte tan UAE chhuak tur hi a pawi hle thei a, mi thiam pakhat phei chuan ‘Opec tawp intanna’ niin a sawi.
Gulf ram energy minister chuan an pawl hnuaia tih tur nei lo ram a nih chuan inthlak danglamna a pe zawk dawn tih a sawi.
UAE chhuak hi US President Donald Trump-a tan hnehna a ni a, a hmain Opec chu ‘khawvel ram dang a phiar’ tiin a lo sawi tawh a. January thla khan Saudi Arabia leh Opec ram dangte chu ‘tuialhthei man tihhniam turin’ a ngen a, chhiah laksak tura a vau pawh a let hnih zetin a tihhniam bawk.
UAE leh US inlaichinna nghet zawk neih theihna kawng a hawng bawk.
MST Financial-a energy research hotu, Saul Kavonic-a chuan he thawhhona tan hian ‘a tawp intanna’ a nih thu a sawi a. “UAE a chhuah tak avangin Opec hian a theihna 15% vel leh a member dan zawm ber pawl a hloh dawn a ni,” a ti.
Opec hi kum 1960 khan ram panga – Iran, Iraq, Kuwait, Saudi Arabia leh Venezuela ten tuialhthei thawn chhuak ram liante hlawkna humhim tura an din a ni.
Kum kal zelah ram awm zat hi a danglam zel a. A dintu panga bakah hian Algeria, Equatorial Guinea, Gabon, Libya, Nigeria leh Republic of the Congo te pawh an tel.
UAE hian kum 1967 khan a zawm a, a chhuah hian member 11 an la awm dawn a. Opec+ alliance zau zawkah hian Opec member ni ve lo 10 an awm belh bawk.
UAE thutlukna siam hi World Bank-in Middle East-a indona vangin oil phurh kuala hloh nasa ber a thlen thu a sawi laiin a ni.
UAE-in Opec chhuahsan tura thutlukna a siam hian Strait of Hormuz khar zel a la nih avangin khawvel pum huapa energy inpekah nghawng a nei nghal dawn lo va, hun rei zawkah erawh thar chhuah punna a thlen thei dawn a ni.
Kum 60 dawn hnuah UAE-in Opec a chhuahsan dawn
