Cincinnati Open third round match-ah 6-4 6-4-a Serbian Hamad Medjedovic hnehin Carlos Alcaraz chuan kumin bika a vawi 50-na atan match hnehna a chang a, tour kal laia kum 2025 kal laia chak ngun ber a ni mek.
Kum 22 mi hian kum 2023 khan Cincinnati Open final hi lo thleng tawhin, set thum inbeihnaah Novak Djokovic a ngam lo a, kuminah pawh final lut tura rin kai a ni leh mek.
Spaniard tan tun hnehna kha Masters 1000 level bika match 13 a chak zawnna ni nghalin, kum 2013 atanga 2016 chhunga khel ropui 24-time major champion Djokovic hnu lama a zawn zata season li chhung match 50 chak tlin leh thei hmasaber a ni nghal bawk.
World number two Alcaraz hian nizan result tarlan hman lohah Italian Luca Nardi chu fourth round match pakhatah a hmachhawn zui leh.
Five-time Grand Slam winner Alcaraz hian a career-ah ATP Masters 1000 trophy pasarih la tling tawhin, chu’ng zingah chuan kumin Monte Carlo leh Rome title a tel.
Kumin June thla khan Roland Garros-a final ropui bikah world number one Jannik Sinner hnehin French Open title a kawl lai a humhim a; thla khat hnu Wimbledon final-ah Italian Sinner hneh loin a tlawm ve thung.
Cincinnati zawh hian season khat chhunga Grand Slam tournament hnuhnungber khel turin Alcaraz hian New York a pan ding tawh dawn a, tah chuan August ni 24 atangin US Open an tan tawh ang.
Kumina vawi 50 chak tling Alcaraz
